ចាប់តាំងពីថ្ងៃដំបូងនៃការបើកដំណើរការ JX2 Royal មក Server របស់យើងបានប្រឈមនឹងសកម្មភាពមិនប្រក្រតី និងការប៉ុនប៉ងវាយប្រហារដល់ប្រព័ន្ធហ្គេមជាបន្តបន្ទាប់។
យើងបានដោះស្រាយបញ្ហាទាំងនេះ ដោយមិនប្រកាសជាសាធារណៈរាល់ពេលឡើយ ដើម្បីកុំឱ្យអ្នកលេងមានការព្រួយបារម្ភ និងអាចផ្តោតលើការលេងហ្គេមបានធម្មតា។ ក្នុងករណីមួយចំនួន ការប៉ុនប៉ងទាំងនេះបានបង្កឱ្យមានការរំខានរយៈពេលខ្លី ដែលអាចធ្វើឱ្យវាមើលទៅដូចជាបញ្ហា Server ធម្មតា។
ដោយសារតែថ្មីៗនេះ មានការពិភាក្សាច្រើនពីសំណាក់អ្នកលេងអំពីបញ្ហាទាំងនេះ យើងចង់ឱ្យអ្នកទាំងអស់គ្នាដឹងថា ពួកយើងកំពុងដោះស្រាយបញ្ហាទាំងនេះយ៉ាងសកម្មនិងយកចិត្តទុកដាក់។
នេះជាលើកដំបូងរបស់យើងក្នុងការបើកដំណើរការ JX2។ បន្ទាប់ពីការបើកដំណើរការដំបូងដែលជួបប្រទះបញ្ហាជាច្រើន យើងបានផ្អាកដំណើរការរយៈពេលមួយសប្តាហ៍ ដើម្បីសិក្សា និងវិភាគបញ្ហា ព្រមទាំងរៀបចំប្រព័ន្ធឱ្យបានរឹងមាំជាងមុន។ បន្ទាប់មក យើងបានបើក Beta មុនពេលបើកដំណើរការជាផ្លូវការឡើងវិញ។
ចាប់តាំងពីពេលនោះមក យើងបានបន្តពង្រឹង និងការពារ Server ជាប្រចាំ។
តួលេខដែលយើងបង្ហាញខាងក្រោមនេះ គ្រាន់តែជាផ្នែកមួយនៃសកម្មភាពដែលប្រព័ន្ធការពាររបស់យើងបានទប់ស្កាត់ប៉ុណ្ណោះ៖
- កញ្ចប់ទិន្នន័យជាង 1 ពាន់លាន Packets ត្រូវបានទប់ស្កាត់ក្នុងកំណត់ត្រាការពារមួយ។
- ករណីរំខានNetworkចំនួន 18 ករណី ត្រូវបានកត់ត្រាក្នុងរយៈពេលថ្មីៗនេះ។ ក្នុងចំណោមនោះ 14 ករណីបានកើតឡើងក្នុងរយៈពេលត្រឹមតែ 5 ថ្ងៃ ហើយករណីទាំង 18 សុទ្ធតែត្រូវបានដោះស្រាយរួចរាល់។
- ក្នុងករណីមួយ ចរាចរណ៍មានកញ្ចប់ទិន្នន័យបង្កការរំខានជិត 1.5 លានPacketsក្នុងមួយវិនាទី ដែលខ្ពស់ជាងកំណត់ត្រាករណីមុនជិត 8 ដង។ ចរាចរណ៍ក្នុងករណីដដែលក៏បានកើនឡើងលើស 15.4 Gbps ផងដែរ។
- អាសយដ្ឋាន IP ចំនួន 50 ត្រូវបានបញ្ចូលក្នុងបញ្ជីទប់ស្កាត់ជាអចិន្ត្រៃយ៍របស់យើង។
ការប៉ុនប៉ងរំខានថ្មីៗនេះមានទំហំ និងភាពស្មុគស្មាញកាន់តែខ្លាំងឡើងៗ។ ទោះជាយ៉ាងណា ក្នុងអំឡុងពេលនេះ យើងនៅតែបន្តការពារអ្នកលេង បញ្ចេញការអាប់ដេត និងធានាឱ្យ JX2 Royal អាចដំណើរការបានយ៉ាងរលូន។
អ្នកដែលព្យាយាមរំខានដល់ហ្គេម តែងតែស្វែងរកវិធីសាស្ត្រថ្មីៗ។ យើងសិក្សា វិភាគ និងពង្រឹងប្រព័ន្ធការពាររបស់យើង ដើម្បីទប់ស្កាត់វិធីសាស្ត្រទាំងនោះ។
ការប៉ុនប៉ងថ្មីមួយអាចចំណាយពេលជាច្រើនខែដើម្បីរៀបចំ ប៉ុន្តែបន្ទាប់ពីយើងយល់ពីវិធីសាស្ត្រនោះ វាអាចត្រូវបានរកឃើញ និងទប់ស្កាត់ក្នុងរយៈពេលត្រឹមតែប៉ុន្មានថ្ងៃ។
JX2 Royal កំពុងបន្តរីកចម្រើន។ យើងកំពុងព្យាយាមកែលម្អហ្គេម បង្កើតបទពិសោធន៍កាន់តែប្រសើរសម្រាប់អ្នកលេង រៀបចំការប្រកួត Esports និងបន្តអភិវឌ្ឍ JX2 សម្រាប់ទូរស័ព្ទ។
ការងាររបស់យើងគឺការពារអ្នកលេង និងធានាឱ្យហ្គេមដំណើរការបានល្អ និងមានស្ថេរភាព។ ការងារនេះមិនដែលឈប់ឡើយ ហើយយើងនឹងបន្តធ្វើវាជារៀងរាល់ថ្ងៃ។